موش وقيّت نِتْحرّكُو ؟

كونو معاناأشخاص فاعلين

عيش تونسي

علاش اللّمّات ؟

كل نهار وزراء ومسؤولين يخرجوا في وسائل الإعلام ويقدمولنا أرقام هدفها تبرير المشاكل الي تعاني منها تونس والتوانسة. التفسيرات متاعهم داخلة بعضها ومش واضحة إلى درجة أنو حتى التوانسة الي كانو فاهمين الواقع شوي بعد ما يسمعوهم معادش يفهمو شيء.

المشاكل الي يعانيو منها التوانسة أكيد فاهم جانب تقني. لكن أصل الدّاء موجود في مشاكل ملموسة وعميقة، مشاكل إجتماعية لازمنا نحددوها ونتمكنو منها باش نجمو نستنبطو حلول عملية تتطبق على أرض الواقع.

على مدة خمسة سنين، قمنا بعديد الدراسات، عملنا برشا لقاءات ومجموعات حوارية، قمنا بعديد استطلاعات الرأي، زرنا كل الجهات التونسية، الهدف أنو نوصلو الأسباب العميقة الي خلاتنا كتوانسة اليوم في الحالة الصعيبة الي نعيشو فيها.

في الكاف، في تونس، في تالة، في المهدية، في مدنين، قررنا باش نتشاركو معاكم تقييمنا لكن بشكل جديد، شكل يمكننا ولو لمرة نشوفو الواقع ونواجهوه ونفهمو التحديات الي تفرضها وضعية البلاد والأولويات الي لازم نخدمو علاها.

  • انجموا نعيشوا فرحانين؟
  • لكنا عندنا بلايصنا؟
  • لكلنا كيف كيف ومتساويين؟
  • انجموا نحلموا لكلنا ونتخيلوا المستقبل؟
  • لوقتاش بش نعيشوا محقورين؟

عيش تونسي ماهيش تعمل في حوارات شايحة متاع تكنوقراط، وإنما تطرح الأسئلة اللي يتجنبوها الأطراف الأخرين الكل على خاطر ما عندهمش حتى مقترح بش يخرجوا البلاد ماللي هي فيه.

إلْقاوْنا على شبكات التّواصل الإجتماعي
Messenger