ثمانين سنة كفاح باش يسمعونا

ثمانين سنة كفاح باش يسمعونا

10/4/2018
80 سنة، 22 شهيد، 150 جريح. الأعمار كانت تتراوح بين 21 و28 سنة، وكان بينهم زادة 3 أطفال، 10 و12 و15 سنة. اليوم باش نحكيو على أحداث 9 أفريل وباش نسألو سؤال جوهري: الأسباب الي أدّات للإنتفاضة الشعبية متاع 9 أفريل 1938 لقات صداها اليوم بعد الإستقلال ؟
 
منذ الإستقلال وإلى حد اليوم في كل مرة نفس الأسباب كانت تأدي لنفس النتائج: جانفي 1978، جانفي 1984، فيفري وأفريل 2000، جانفي 2008، ديسمبر 2010، جانفي 2016، جانفي 2018.
 
الأسباب إلي أدات لإنتفاضة 9 أفريل 1938 كانت واضحة، الشعب كان يحب يفرض إحترامو وإحتارم إرادتو، النّاس كانت تتحرك باش المسؤولين يفهموا الوضع الصعيب إلي قاعدين يعانيوا فيه، المواطن كان يطالب يتوفير الحاجيات الأساسية الي تخليه يعيش بكرامة ويشعر بالإنتماء للوطن، الشباب كان يطالب بأنّو يكون للبلاد مستقبل يحتضن النّاس الكل وكل تونسي يحقق حلمتو وفرحتو. 
 السؤال الوحيد الي يستحق اليوم يتسأل : إلى متى باش يقعد شعبنا ينتفض ويدفع الثمن غالي باش المسؤولين يتلفتولوا ويسمعوه؟
 #إلى_متى