علاش #الكلّكم_ابطال؟

احنا توانسة، في تونس وفي كل بلاصة في العالم التوانسة معروفين بقلبهم الكبير وحبّهم للحياة وللناس ولبلادهم. شعب حرّ وفخور بروحه وسابق زمانه، عندو برشا شجاعة وقدرة على الابتكار بش يحقق حاجات خارقة للعادة.

حالة الخوف والإحباط طغات علينا وبدلتنا زادة. بعد برشا حاجات مش واضحة وبعد برشا وعود وخيبات أمل ولاّت ماعادش عندنا الثقة في حدّ. ماعادش عندنا الثقة في رواحنا ومعادش عندنا الثقة في الناس الأخرين ولا حتى في المستقبل. ولكن من غير ثقة، ما فماش مجتمع وما انجموش يكون عندنا برنامج متاع مستقبل مشترك. 

الهدف متاعنا هو إننا نرجعوا الأمل للتوانسة ونخلوهم يؤمنوا بروحهم من جديد. والأسباب اللي تخليهم يؤمنوا برواحهم موجودة وموجودة فينا. متجسدة في أشخاص مميزين وقاعدين يخدموا بش تونس تكون خير. للأسف، وفي عديد الأحيان، هالتوانسة المثاليين واللي مش معروفين ما لقاوش شكون يعطيهم قيمتهم ويمرّوا مرور الكرام قدام الكم الهائل من المعلومات والأخبار الخايبة اللي تلزّنا بش نفقدوا الأمل ونحسوا بالعجز قدام تغيير الأمور.

حبينا نكرموا الأبطال اليوميين هاذم ونبينوا زادة أنو الناس بمختلف أعمارهم وبمختلف طبقاتهم الاجتماعية ومن جميع جهات البلاد ينشطوا بش يحافظوا على الصورة المثالية لتونس. هوما مثال على الوطنية وحاجة تبعث على الأمل. كل واحد فيهم يمثل مصدر إلهام ورسالة بش كل تونسي وتونسية يعرف اللي هو زادة من موقعه ينجم يساهم في بناء حاضر ومستقبل تونس.

حبينا نكرموا الأبطال اليوميين هاذم ونبينوا زادة أنو الناس بمختلف أعمارهم وبمختلف طبقاتهم الاجتماعية ومن جميع جهات البلاد ينشطوا بش يحافظوا على الصورة المثالية لتونس. هوما مثال على الوطنية وحاجة تبعث على الأمل. كل واحد فيهم يمثل مصدر إلهام ورسالة بش كل تونسي وتونسية يعرف اللي هو زادة من موقعه ينجم يساهم في بناء حاضر ومستقبل تونس.

اكتشف كل الأبطال

قيد في الNewsletter باش يصلولك آخر اخبارنا

إلْقاوْنا على شبكات التّواصل الإجتماعي
Messenger