تونس نحبها على برشا حاجات حتى كان هي ما وراتش اللي هي تحبني أنا ما انجمش نكرهها ما عنديش بلاد أخرى وما عنديش أصل آخر، هنا نحب نموت وهنا نحب نتدفن

سعدية مصباح

صوتنا ضد الميز العنصري

نضالي جابلي برشا مشاكل في حياتي.. عيش تونسي وكون مفتخر وراسك عالي..

عبد المجيد الدبار

حامي صحرتنا وبحوراتنا

كان نرجع تو ويقولولي واش تحبي تخدمي، نرجع نقرى التمريض ونخدم نفس الخدمة.. ندخل للpédiatrie ننسى الدنيا وما فيها

يمينة التليلي

موظفتنا المثالية والحنينة

طبيعتي ضحاك مبتهج، نحب الجو، ننظر بعين باهية للحياة.. قائم بواجبي وناكل في الحلال الطيب

عبد الرزاق اليوسفي

مروّج الفرحة

معادش نسإل روحي اش عطاوني، كل يوم كي نقوم نسإل روحي شنوة اللي بش نعطي

بسمة السوسي

المرأة الشجاعة

عيش وأسعى وحاول تهز راية بلادك، ناقفولها بلادنا ونصلحو فيها وكل واحد يبدى من روحو. علاش انا نبقى نهار كامل راقد وما نخدمش ونشد القهوة؟

بسمة السلايمي

المرأة المناضلة

ريت اللي أحلامي مش بش تستناني، قلت خلي نبدى من تو بش نحققها في أقرب وقت وننفع روحي والناس

إياد العشاش

مستقبل بلادنا

كي نهبط نلعب في الميدان يقولوا التونسية هذي تخوفنا، ما يقولوش روعة هابطة تلعب أما يقولوا التونسية وهذي حاجة نعتز بيها

روعة التليلي

بطلتنا الأولمبية

إذا كان بلادك ما لقاتش فيك الخير، كيفاش انت تحب تهاجر وهوما بش يلقاو فيك الخير

زياد الملولي

الرّخ لا في حماية تونس

الكلكم ابطال
إلْقاوْنا على شبكات التّواصل الإجتماعي
Messenger